湯盈盈坐電單車尾騰騰震 -- 星島日報 2007‧05‧03

((星島日報報道)前晚無綫新劇《第三類暗戰》於奧海城拍攝外景，戲情講述湯盈盈於電單車上抱着黃浩然。黃浩然於電影《孤男寡女》裏曾飾演電單車好手。黃浩然說﹕「個個都以為我識揸電單車，其實我唔識架﹗」 黃浩然在劇中飾演熱愛自由的型男，女友湯盈盈經常用不同的謊言挽留愛郎，經過多次被揭穿後，黃浩然最後決意離開女友到處流浪。現場所見，導演只拍黃浩然與湯盈盈坐在電單車上的特寫鏡頭，湯盈盈坐在黃浩然身後努力平衡身體，表現有點驚慌。黃浩然透露，很久以前真有學過電單車，但隨後工作太忙未有考牌。他說﹕「依家想從新考慮考番個電單車牌，通常要你扮型仔，都係要識揸電單車架啦﹗」 黃浩然已簽約無綫，稍後的日子會專注拍劇。談到於電視圈內，無論結婚與否都會傳出緋聞。他說﹕「其實我都諗咗好耐，點去回應緋聞呢一樣嘢。我會回答『希望大步檻過啦﹗』」 此外，湯盈盈透露，劇中將會與黃浩然有不少激情戲。她說﹕「有一幕會喺間空屋度，淨係會用窗簾布圍住個身。(咁咪好性感﹖)都唔會嘅，始終都係電視劇。」湯盈盈透露《第三類暗戰》其實是一套比較輕鬆的喜劇，她說﹕「我有時同朋友講吓啲劇情，佢哋都覺得好好笑﹗依家媽咪幫我譯劇本，都見佢笑到停唔到﹗」 另外，最近的晚間劇場，都是重播歐陽震華主演的劇集，收視更有8點成績相當不錯﹗Boby說﹕「之前播《陀槍師姐》我都有睇，反而正式出街嘅時候，我錄低了都無睇﹗依家播緊《洗冤錄》，真係電視汁都撈埋﹗」

黃浩然無電單車車牌，湯盈盈坐車尾一臉驚恐。