陳法蓉自薦　做港姐導師 -- 東方日報 2005•04•29

陳法蓉、陳煒、珈潁、江欣燕及應采兒等靚女前晚出席新劇活動，眾女星均悉心打扮赴會，其中陳法蓉及陳煒兩位選美冠軍級人馬，更不約而同以勁低胸裝上陣，影大合照時又以孖公仔姿態黐到實，結果「雙Ｖ」搶盡風頭！ 全晚威到盡的陳法蓉還自薦向港姐師妹路，她笑說：「性感要有方法，走光就冇美感啦！新一屆港姐就開鑼，我想開班師妹兩招！會唔會自薦？咁就要睇無介唔介意喇！」陳煒則表示拍罷新劇，終於可做番自己，她嘆說：「因為新劇有好多造型，搞到我好厭悶，今日專登化個『陳煒妝』，正式做番自己（有傳你扮梅艷芳好入戲？）我又唔覺，只係轉造轉到頭暈！」 孫耀威避應采兒 另外，緋聞男女孫耀威及應采兒前晚同場出現，孫耀威初時扮大方說：「冇咩尷尬，大家不嬲都係朋友！（拍完劇甩難？）可能返台灣抖先，傾出唱片。」講到中港台三地女仔，孫耀威即盛讚台灣女仔夠溫柔，惟說罷又此地無銀補番句：「邊個男人唔鍾意溫柔？但係我之前個女朋友都係香港人！」後來記者要求兩人合照，孫耀威竟「愈叫愈走」大玩捉迷藏，影大合照時又搞「天各一方，令人甚感無厘頭！難得應采兒仍大方地說：「唔尷尬，尷咩尬！」